Fyrirlestrar og námskeið
Mér finnst ósköp gaman að miðla áfram minni reynslu, ástríðu og þekkingu. Ég hef lag á því að gera flókna hluti einfalda og ná til fólks með "hugur-hjarta-hönd" hugsuninni.
Það besta sem ég veit er þegar ég næ að koma af stað gáruáhrifum þannig að námskeiðið/fyrirlesturinn skili sér í alvöru breytingu hjá þátttakendum.
Hér að neðan eru dæmi um námskeið & fyrirlestra sem ég hef haldið. Hægt er að vinna með öll þessi þemu í mismunandi lengdum - eftir því hversu djúpt á að fara. Fyrirlestrar gerta verið um klst. Námskeið frá 3 klst og upp í 4 x 3 klst.
Hver fyrirlestur/námskeið er alltaf sniðinn að þörfum og áskorunum hvers vinnustaðar þannig að hann tali sem best inn í aðstæður fólks.
Sálrænt öryggi
Á tímum þar sem vinnu-umhverfið okkar einkennist af óvissu, hraða og sífelldum breytingum þurfum í mun ríkari mæli teymi (en ekki einstaklinga) til að leysa flóknar áskoranir og verkefni.
En hver er uppskriftin af árangursríkum teymum? Rannsóknir sýna okkur að svokallað sálrænt öryggi gegnir þar lykilhlutverki. Við förum yfir hvað sálrænt öryggi er og hvernig það birtist í teymum. Einnig skoðum við praktíkina - hvað við getum gert til að byggja upp og viðhalda sálrænu öryggi innan teymanna okkar.
